Меңгерушісі: Копжасарова Шолпан Сайранбекқызы

Аудандық балалар мен жасөспірімдер кітапханасы жеке ғимаратта орналасқан.

2007 жылы желтоқсан айынан бастап ашылып, оқырмандарға қызмет көрсетіп келеді.

2008 жылдан бастап кітапхананы Копжасарова Шолпан Сайранбекқызы басқарып келеді.

2011 жылы «Тәуелсіздіктің 20 жылдығына» орай Жамбыл аудандық орталықтандырылған кітапханалар жүйесінің жұмыста белсенділігі үшін «Мадақтама қағазы» марапатталған.

2013, 2014 жылдары мүмкіндігі шектеулі жандарға арналған аудандық «Алтын жүрек» фестивалінде қайырымдылық акциясын көрсеткені үшін «Алғыс хаттар» тапсырылды.

2014 жылы қараша айында Жамбыл облыстық балалар мен жасөспірімдер кітапханасының ұйымдастыруымен Жамбыл аудандық балалар мен жасөспірімдер кітапханасында «Балалар кітапханалары өлкетану жұмысын дамыту орталығы» атты тәжірибелік семинар болып өтті.

2014 жылы Жамбыл облысы әкімдігінің мәдениет, мұрағаттар және құжаттама басқармасының облыс мәдениетінің көркемдік тұрғыда өркендеуіне және мәдениет пен өнердің дамуына қосқан үлесі үшін «Алғыс хатпен» марапатталды. Кітапханада «Бұлақ көрсең көзін аш» әуесқой жас ақындар клубының жұмысы қолға алынған. Кітапханада 3 компьютер, 1 ксерокс, 4 принтермен (1-түрлі-түсті) қамтылып, 1 телефон нүктесіне Интернет желісі қосылған. Орталық кітапхана РАБИС бағдарламасымен 2012 жылдан жұмыс жүргізіп келеді.

Жамбыл аудандық әкімиятының 2007 жылғы 6 қарашадағы №883 қаулысымен «Аудандық балалар мен жасөспірімдер кітапханасы» құрылды.

2013 жылы бұрынғы мектептің ғимаратының 2 бөлігі кітапханаға берілді.

2017 жылғы кітапхананың кітап қоры 10740 дана, мемлекеттік тілде 8202 дана.

Сонымен қатар аудандық балалар мен жасөспірімдер кітапханасы, аудандық психологиялық- педагогикалық түзету кабинеті мекемесімен тығыз байланыста жұмыс жүргізіп келеді. Мекемедегі мүмкіндігі шектеулі балаларға демеушілік көрсетіп, іс- шаралар ұйымдастырып, кітаптармен қамтамасыз етуде.

Сондай – ақ кітапханада «Бұлақ көрсең көзін аш» үйірмесінің жұмысы жолға қойылған. Жыр әлемінен қалам тербеп жүрген дарынды балалар өз шеберліктерін осы үйірмеде шыңдап келеді.

Аудандық балалар мен жасөспірімдер кітапханасында жас ұрпақтың патриоттық сезімін оятатын, рухани жаңғыру, елін, жерін, Отанын сүйетін, елінің парасатты азаматы болып өсуіне тәрбиелейтін кітап көрмелері безендірілген.