Елбасының «Ұлы даланың жеті қыры» мақсаттық бағдарламасы бойынша «Архив-2025» жобасы аясында «Архив әлемдік тарихтың бір тұтас бөлшегі»  тақырыпты кеш

Аудандық орталық кітапхананың ұйымдастыруымен Елбасының «Ұлы даланың жеті қыры» мақсаттық бағдарламасы бойынша «Архив-2025» жобасы аясында «Архив әлемдік тарихтың бір тұтас бөлшегі» атты тақырыпты кеш  жастар арасында өтті.

Кештің мақсаты: Жастарға мемлекеттік архивтің негізгі мақсаттарының бірі- тұрғындардың құжаттық-ақпараттық қажеттіліктерін қанағаттандыру. Мемлекеттік қызметтің аяқталу нысаны заңдық күші бар және оның негізінде құжаттарды іздестіру деректерін көрсете отырып, сұраныстың мәні туралы құжаттық ақпаратты қамтитын архивтің ресми құжаты- архивтік анықтама беру.

Тақырыптық кештің қонағы: Жамыл аудандық мемлекеттік архивінің архивисі  Төребаева Айнұр Дәулетбекқызы  қатысты.

Кешті қызмет көрсету бөлімінің  кітапханашысы А.Құрымбаева  кіріспе сөзбен ашып,  кеш қонағын көпшілікке таныстырды.   «Архив – мемлекет тарихын сақтаушы» бөлімінде аудандық мемлекеттік архивінің архивисі Айнұр Дәулетбекқызы архивтегі жалпы құжаттар бойынша мәлімдеме жасап, қорда қандай құжаттар қамтылғаны жөнінде баяндап берді.         

Тақырыптық кешке  «Архив – ел тарихының қазынасы» атты ашық қарауды  қызмет көрсету бөлімінің кітапханашысы Қ.Асхатаева таныстырып, библиографиялық шолу жасады. Сондай-ақ, «Архив әлемдік тарихтың бір тұтас бөлшегі»»тақырыбында слайд көпшілік назарына ұсынылды.

Нәтижесінде: Жиналған көпшілікке Архив жөнінде  ақпараттар беріліп, архивтік құжаттардың сақталуынан хабардар болды.