«Сәулелі жырдың сарбазы»

Аудандық орталық кітапхананың ұйымдастыруымен Ақын, драматург, әнші, сазгер Бәкір Тәжібаевтың туғанына 95 жыл толуына орай «Сәулелі жырдың сарбазы»  тақырыбында  әдеби отау жастардың арасында өтті.

Мақсаты: Дарынды талант иесі, ақын, драматург  Бәкір Тәжібаев туралы түсініктер беру, оның жырларымен, әндерімен, өмірімен таныстыру. Талант иесін қадірлей білуге, елін сүюге тәрбиелеу.

Іс - шарада кітапханашы Н.Манабаева Бәкір Тәжібаевтың өмірбаяны, шығармалары, әндері туралы мәліметтермен таныстырды. «Ана»,«Қазақстан-Гүлстан»,«Туған жер»,«Нан туралы жыр»,«Жүреді менің ойымда»,«Қазақ қызы»,«Замандастар мерейі»,«Өмір туралы толғау»,«Шілдехана сыры» атты өлеңдері ел-жұртына, достарына, қазақ халқына, замандастарына, анасына деген ыстық махаббатынан туған, сезімге толы дүниелері туралы айтып, «Сахна жұлдызы», «Жыр -  жолаушы» атты кітаптарына оқу залының кітапханашысы Л.Есмурзаева библиографиялық шолу жасады.