«Ұрпақтар ұмытылмайтын Жеңіс»

Аудандық орталық  кітапхананың ұйымдастыруымен 9-мамыр Жеңіс күніне орай «Ұрпақтар ұмытылмайтын Жеңіс» тақырыбында Бауыржан Момышұлы атындағы мектеп-гимназиясында 8-сынып оқушыларының қатысуымен  ерлік сағаты өтті.

Мақсаты: Жастарға  ҰОС –ның ардагерлерінің ерен ерлігі мен еңбегін насихаттау, Жеңістің  қадір-қасиетін түсіндіру. Отансүйгіштікке  баулу. Патриоттық сезімдерін ояту.

Іс-шара барысында оқу залының кітапханашылары Н.Манабаева кіріспе сөзбен ашса,  Л.Есмурзаева ҰОС –ның батырларының өмірі туралы таныстырып,  екінші дүниежүзілік соғыс туралы , ондаған мың қазақстандық ерен еңбегі мен ерліктері үшін марапатталса, бес жүзден астам адам Совет Одағының Батыры атанды, төрт адам бұл атаққа екі мәрте ие болды. Олар – Талғат Бигелдинов, Сергей Луганский, Леонид Беда, Иван Павловтар  туралы кеңінен мағлұмат берді. Жастар ісі тәжірбиесі  бойынша маман Дюсуп Гүлай Қасым Аманжоловтың «Бауыржан» атты жыр –шумағын мәнерлеп оқып берді.

Сондай-ақ, «Бейбіт күн жасасын әлемде» тақырыбында ашық қарау библографиялық шолу жасап, Батыр аталарымыз  ерлікпен жеткізген жеңіске тағзым етіп, әрбір бейбіт күніміз үшін қатары сиреп қалған ардагерлерімізді қадірлеп, бас иіп жүрейік – деп еліміздің тыныштығын сақтап қалуға шақырды.