«Оқитын ұлт» жобасы аясында «Кітапхана және оқырман» тақырыбында отбасылық оқырман байқауы өтті.

Мақсаты: Отбасылық құндылықтары мен отбасының беделін көтеру, өскелең ұрпақты  кітап оқуға баулу, ата-аналарын құрметтеу, кітапханаға оқырман тарту.

Іс – шараның бет пердесі белгілі сазгер Б. Тәжібаевтың «Туған жер» әнімен ашылды.

Байқаудың әділ қазылар алқасы Мәдениет және тілдерді дамыту бөлімінің басшысы Оспанова Жансая Жолтайқызы, «Аса аялы алақан» қоғамдық қорының мүшесі - Сатова Роза Өзбенбекқызы, «AMANAT» партиясының сектор меңгерушісі Уатаева Гүлмира Іздібайқызы, Аудандық орталықтандырылған кітапханалар жүйесінің директоры Қалисаева Аида Қуанышқызы, Шұғыла - Радуга газетінің тілшісі - Қуатова Айдана Еркінбекқызы қатысты.

Байқауға алты отбасы қатысты. Олар: Кәрімовтар отбасы, Әмзеевтер, Амировтар отбасы, Ормахановтар отбасы, Өміралиевтер отбасы, Махамбетқұловтар отбасы додаға түсті. Байқау үш бөлімді қамтыды.

• «Біз оқырман отбасы» сайыскердің өзін – өзі таныстыруы

• «Біз өнерлі отбасы» өз өнерлерін көрсету (ән, би, қол өнер)

• «Біздің ең жақсы көретін кітабымыз» отбасы мүшелерінің халық ауыз әдебиетінен (ертегілер, аңыз әңгімелер, эпостық жырлар) үзінді сахналау

Қатысушылар осы аталған бөлімдер бойынша сүрінбей өтті. Тағылымы мол іс - шараны Роза Өзбенбекқызы мен Аида Қуанышқызы қорытындылады.

Әділ қазылардың шешімімен барлық отбасына Алғыс хат пен бірдей сыйлықтар табысталды.