Аудандық орталық кітапхананың ұйымдастыруымен Бауыржан Момышұлы мектеп гимназиясының 11 «Ә» сынып және №1 мектеп оқушыларының 9 сынып оқушылары арасында «Сіздің салаңыздағы жаңалықтар» атты мамандар  күні өтті.          

Мақсаты: Оқырмандардың  өзі таңдайтын мамандық  туралы ойын бір жүйеге келтіріп, дұрыс таңдау жасауына көмектесу, өз бетінше шешім қабылдап, өзіндік мақсатын айқындай білу қабілеттілігін арттыру.

Кеш қонақтары:  Қаракемер ауылдық округінде «Ауыл аманаты»  пилоттық жобасымен несие алған жеке кәсіпкер Тоқбергенов Еркін Белғожаұлы, Жамбыл облысы әкімдігінің білім басқармасының «№ 17 Жамбыл колледжі» КМҚК Арнайы пән оқытушысы Сапарбаев Нұрбек Абибуллаевич, «Alem» кәсіби білім беру колледжі  арнайы техникалык пәндер мұғалімі Шапауова Сабира Айтжанкызы және медицина мамандығының оқытушысы Усипбаев Мирамбек.

Іс-шара барысында кітапхана библиографы М.Кулшимбаева жүргізіп, мамандық таңдау бойынша кіріспе сөзбен ашып, «Мамандығым-  мақтанышым» атты бейнематериал ұсынылды. 

Іс-шара барысында мамандық жайында ой-қозғалып, кеш қонақтарына сөз беріліп, ойларын ортаға салды. Өздерінің мамандық таңдау жолындағы қызықты жайттарды баяндап, жастарға кәсіптік бағыт- бағдар берді.

Кеш барысында қонақтарға арнайы ұйымдастырылған мамандық таңдауда адамның шоқжұлдыз сипаттамасы ұсынылды және психологиялық тренинг “Психогеометрия”- өзін- өзі тану ойынын жүргізілді. «Адам өз өмірінде екі нәрсені таңдауда қателеспеуі керек: біреуі – жар таңдау, екіншісі – мамандық таңдау» деп Мұқағали  Мақатаев атамыз айтқандай, мамандық таңдау – жасөспірім кездегі адам өміріндегі ең маңызды шешімдердің бірі екені, жастардың дұрыс таңдау жасау керектігі жайлы кеңес берілді.