Аудандық орталық кітапхананың ұйымдастыруымен «Адал ас» өндірістік компаниясының қолдауымен «Астана қаласындағы ҚР - ның Ұлттық академиялық кітапханасы» ІІ Республикалық «Шәкәрім оқулары» байқауын жариялап, ережесін ұсынған болатын. Байқау аясында қатысушыларға Шәкәрім Құдайбердіұлының 20 өлеңін жатқа мәнерлеп айту ұсынылды. Осы Республикалық байқауға жеңімпазды анықтау үшін 5 - 8 сынып білім алушылары арасында аудандық байқау өтті.
Мақсаты: Ақын Шәкәрім Құдайбердіұлының шығармашылығын балалар мен жасөспірімдер арасында насихаттау. Қазақ халқының әдеби мұраларын дәріптеу.
Байқауға 8 үміткер қатысты: Өрнек ауылы Бейсенбек Тайшапұлы атындағы орта мектебінің 6 - сынып білім алушысы Ауданбек Ұлан Фархатұлы, Қаракемер ауылы Төле би орта мектебінің 7 сынып оқушысы Елдосқызы Жадыра, Айша бибі орта мектебінің 8 сынып оқушысы Жамалбек Мерей Бахтиярқызы, Тараз қаласы №11 орта мектебінің 8 сынып оқушысы Косалиева Лунара, Тоғызтарау ауылы Төлеген Тоқтаров атындағы орта мектебінің 6 сынып оқушысы Бахрам Ясина, Ш.Ниязбеков ауылы Әзімбек Ысмайылұлы орта мектебінің 5 «А» сынып оқушысы Төрехан Еркежан, Ш.Ниязбеков ауылы Әзімбек Ысмайылұлы орта мектебінің 5 «А» сынып оқушысы Елбосын Аяна, Ш.Ниязбеков ауылы Әзімбек Ысмайылұлы орта мектебінің 6 «А» сынып оқушысы Әбірбек Нұрайлым.
Әділқазылар: Ардагер журналист Сансызбай Бертайұлы, Аудандық орталықтандырылған кітапханалар жүйесінің директоры Аида Қуанышқызы, Шұғыла - Радуга газетінің тілшісі Нұрперзент Туғанбай қатысушылардың өлеңді таңдау, оқу шеберлігіне аса мән беріп жеңімпазды анықтады.
Байқау қорытындысы бойынша Айша бибі орта мектебінің 8 сынып оқушысы Жамалбек Мерей Бахтиярқызы топ ішінен бірінші орын иеленіп облыстық байқауда бағын сынайтын болды.