Ш.Уәлиханов атындағы Жамбыл облыстық әмбебап ғылыми кітапханасының ұйымдастыруымен, Жамбыл облысының әкімі Ербол Қарашөкеевтің бастамасымен жүзеге асқан «Әулиеата - кітап оқитын өңір» кітап оқу жобасының қорытынды іс - шарасы өтті.

Ауқымды мәдени жиынға өңірдің зиялы қауым өкілдері, аудандық, ауылдық және мектеп кітапханаларының қызметкерлері, үздік оқырмандар мен кітап жанашырлары қатысты.

Іс - шара барысында Жамбыл облысы әкімдігінің мәдениет және тілдерді дамыту басқармасының басшысы Ерлан Жүнісбай құттықтау сөз сөйлеп, «Үздік автор», «Үздік ауылдық кітапхана», «Ел үшін туған ерлер», «Тау тұлға, дара тұлға - Бауыржан», «Үздік оқырман» номинациялары бойынша үздіктерді марапаттады.

«Ең үздік ауылдық кітапхана»

«Әулиеата - кітап оқитын өңір» жобасы аясында «Ең үздік ауылдық кітапхана» облыстық байқауында Жамбыл аудандық орталықтандырылған кітапханалар жүйесінің Қаракемер ауылдық кітапханасы Бас жүлдені иеленді.

«Тау тұлға, дара тұлға - Бауыржан»

Бауыржан Момышұлының өмірі мен ерлігіне арналған 14 - 21 жас және 22 - 35 жас аралығындағы «Тау тұлға, дара тұлға - Бауыржан» облыстық шығармашылық байқауының “Бас жүлде” жеңімпазы Шайдана ауылдық кітапханасының тұрақты оқырманы Досым Абай иеленді.

I орын жеңімпазы, Жамбыл аудандық орталық кітапхананың оқырманы, Әбдіқапарова Ғалия салтанатты түрде марапатталды.

«Үздік оқырман»

«Үздік оқырман» номинациясы бойынша Жамбыл аудандық орталық кітапхананың тұрақты оқырманы Рыспаева Биғайша "Үздік оқырман" атанды.

ҚҰТТЫҚТАЙМЫЗ!!!